وقال في تدوينة على حسابه بموقع التواصل الاجتماعي فايسبوك، إن مجموعة من المنحرفين، يحملون سيوفا وحجارة وأسلحة بيضاء، قاموا بعملية نهب وسلب لعدد من السيارات بعد ترويع أصحابها.

وفيما يلي التدوينة:

#رعب_في_الأوتوروت_نقطة_حي_النور_مع_19h55

الأوتورت ديركسيون تونس بعد الدورية القارة متاع شرطة الي في الخرجة متاع تونس الغربية و بين  اكا البنية متاع المبيعات الي أون فاس كيوسك عجيل الكراهب  تمشي بالخطوة إنسان على ساقيه يمشي أسرع من كرهبة حاسيلو كمشة كلوشارات يدورو بالحجر و السكاكن و السيوفة و يضربو في الكراهب بالحجر و يحلو في بيبان الكراهب و يسرقو و يفكو و في يديهم سكاكن كبار.  انا حمدالله يا ربي حاطط فريمتير سنترال و حالل شباك عل لخر و الكياس 2 فوا شادد يميني و على يساري كرهبة بيضا 4×4 و نكبتي في روترتفيزور واحد يتلبدلي من جنب الكرهبة من شيرتي و جايني  لا تفهمو أسمر لا أزرق وجهو كيرشكلو لابس كابيش كحلة وقف بجنبي يحب يحل الباب و يقلي حل كذا من أمك الباب و في يدو سيكينة أطول من فخذو  عاد أنا و أعوذو بالله من كلمة أنا ولد حي شعبي و الخنن الكل نعرفو و كل يوم قدام عينيا ديما مسلح في كرهبتي الدبوز بجنب سانتير و الكرسي ، البوسعادة بين الفيتاس و الكرسي ، لام مدخلو في شق الي منين نشعل الضو،  و تورنفيز فرانسيس تحت الفولون،  انا دوب ما كبتيتو جايني  وحلت بورميار و نتبع في كرهبة كليو بومبي كحلة الي قدامي جبت تورنفيس في يدي ليسار و طرشقت البوسعادة بليمين هو جاء يحل في الباب و جبدلي أمي و أنا نخرجلو يديا من شباك و نطرشقلو البوسعادة في وجهو و ريوسكم يا رجال من الفجعة طاح في القاعة يهز في سكينة و هارب يجري كي الولية ستر ربي الكراهب يتحركو شخرت الكرهبة و عطيطها لين بعت حمدالله يا ربي مسار شيء جبت تاليفون كلمت 197 علمتهم الي كمشة كلوشارات يدورو بسكاكن و يضربو بالحجر  قالي أتا نشوفو  مشيت شوية نلقا الحاكم عامل براج  براسك مقابل كيوسك عجيل وقفت نحكي معاهم و نرعش بكلي نفبري بالخوف و تالمون ناسي روحي من الخوف مازالو في يدي التورنفيس و البوسعادة قالي شنوة هاذم قتلو حتى شيء جيست ندافع على روحي  و طيشتهم الوطة بين ساقيا على تابي قالي في بالنا باهم و هانا اتا نشدوهم و مش كان انت راهو توة وصلو جبدو على قاضي سيف و معادش تاقف في ضلام و سايس روحك و ينصح فيا اله يرحم والديه  و زاد عطاني دبوزة ماء قالي برد حالتك المهم انت لاباس .حمدالله على كل شيء اما كل ما نتفكر طيحتو الحبيب الي يحب يحل عليا الباب يشدني كريز متاع ضحك و ينسيني الرعب الي عشتو